Bakı-APA. Bakının Xəzər rayonunda "Lada" markalı minik avtomobili ilə "BMC" markalı yük avtomobilinin toqquşması nəticəsində yol-nəqliyyat qəzası baş verib.
APA-nın Fövqəladə Hallar Nazirliyinin (FHN) saytına istinadən verdiyi məlumata görə, nəticədə, “Lada” markalı minik avtomobili deformasiyaya uğrayıb və sürücüsü 1950-ci il təvəllüdlü Şabanov Eldar Sultan oğlu hadisə yerində dünyasını dəyişib.
Xilasedicilər cəsədi avtomobildən çıxararaq aidiyyəti üzrə təhvil veriblər. Əməliyyat saat 11:46-da başa çatıb.