Bakı-APA. Liviyanın Benqazi şəhərində törədilən silsilə partlayışlar və onların ardınca baş vermiş toqquşmalar nəticəsində azı 20 nəfər ölüb. APA-nın “İTAR-TASS”a istinadən verdiyi xəbərə görə, bu barədə Sky News Arabia telekanalı məlumat verib.
Bundan əvvəl “Benqazi İnqilabçıları Şurası” qruplaşmasının silahlıları tərəfindən ordunun nəzarətində olan Benin beynəlxalq aeroportunda 3 avtomobil partladılıb.
“Silahlılarla toqquşmalar indiyədək davam edir. Hərbi-Hava Qüvvələri qruplaşmaların mövqelərinə zərbələr endirir”, deyə Liviya milli ordusunun rəsmi nümayəndəsi Məhəmməd Xiqazi bildirib.
Məlumata görə, ordu qüvvələri “Əncər əş şəriət” qruplaşmasının 20 üzvünü öldürüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
