Bakı. Aqşin Rafiqoğlu – APA-Economics. Hələlik İtaliya tərəfi Trans-Adratik boru kəmərinin (TAP) maliyyələşməsində iştirak etmir.
“APA-Economics”in məlumatına görə, bunu “Azərbaycan və Xəzər dənizi neft və qaz həftəsi” çərçivəsində keçirilən iclasın ikinci günündə “Cənub Qaz Dəhlizi” QSC-nin baş direktoru Əfqan İsayev bildirib.
Ə. İsayev İtaliyanın “Cənub Qaz Dəhlizi” QSC-nin maliyyələşməsində iştirakı imkanları ilə bağlı verilən suala cavabında bildirib ki, layihənin ən qısa hissəsi İtaliya ərazisindədir.
Onun sözlərinə görə, son dayanacaqla bağlı bir neçə variant var: “Lakin dəqiq yer hələ bəlli deyil. Düşünürəm ki, əgər İtaliya rəsmiləri layihəni maliyyələşdirmək istəyirsə, biz buna hazırıq. TAP-ın mərkəzi İsveçrədə, TANAP-ın mərkəzi Türkiyədə, “Cənub Qaz Dəhlizi” QSC-nin və “Şahdəniz”in mərkəzi isə Bakıdadır. Buyurub, müraciət edə bilərlər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
