Bakı. Musa Əhmədov-APA-Economics. Maliyyə Nazirliyi yanında Dövlət Sığorta Nəzarəti Xidməti “Royal Sığorta” şirkətinin lisenziyasını ləğv edib.
Dövlət Xidmətindən “APA-Economics”ə verilən məlumata görə, müvafiq qərar sentyabr ayının 8-də verilib.
Qurumdan bildirilib ki, “Royal Sığorta” ASC-yə sığorta fəaliyyətinə verilmiş lisenziyanın qüvvəsinin dayandırılmasına əsas verən hallar müəyyən olunmuş müddətdə aradan qaldırılmayıb. Məhz bu səbəbdən şirkətin lisenziyası sığorta qanunvericiliyinin tələblərinə uyğun olaraq ləğv edilib.