Moskva. Fərid Əkbərov - APA. Rusiya paytaxtında avtoxuliqanlıqla məşğul olan Azərbaycan vətəndaşı Yol Patrul Xidmətinin əməkdaşının qolunu sındırıb.
APA-nın Moskva müxbirinin verdiyi xəbərə görə, hadisə sentyabrın 25-də baş verib.
Azərbaycan vətəndaşı, 1992-ci il təvəllüdlü Gəncə şəhər sakini Q.D.Hüseynovun idarə etdiyi avtomobili dövlət nömrə nişanı olmadığına görə YPX əməkdaşları saxlamaq əmri veriblər. Lakin Hüseynov YPX əməkdaşlarının əmrinə tabe olmayıb. Bu zaman YPX əməkdaşları Hüseynovun idarə etdiyi avtomobili qovmağa başlayıblar. Nəticədə Hüseynov avtomobili paytaxtın dalanlarının birində park edilmiş vəziyyətdə olan avtomobilə çırpıb. Bundan sonra YPX əməkdaşları onun maşınını dövriyyəyə alıblar. Polislər Hüseynovu avtomobildən çıxararaq əlinə qandal vurmaq istəyən zaman Azərbaycan vətəndaşı müqavimət göstərib və YPX əməkdaşlarından birinin qolu sınıb. Polis onu dərhal həbs edib.
Faktla bağlı cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
