Sosial

Ana səhifə

Sosial

Baş prokuror yanında Korrupsiyaya qarşı Mübarizə Baş İdarəsinin əməkdaşı beynəlxalq tədbirlərdə iştirak edib

11 mart 2015 14:55 (UTC +04:00)

Bakı. Fuad Cəfərov – APA. Baş prokuror yanında Korrupsiyaya qarşı Mübarizə Baş İdarəsinin əməkdaşı beynəlxalq tədbirlərdə iştirak edib

Baş Prokurorluğun mətbuat xidmətindən APA-ya verilən məlumata görə, martın 4-5-də İstanbul şəhərində Antikorrupsiya üzrə işçi qrupun ilk iclası keçirilib. Tədbirdə BMT-nin Korrupsiya əleyhinə Konvensiyasının qiymətləndirmə mexanizmləri, korrupsiyaya qarşı mübarizədə beynəlxalq əməkdaşlıq, dövlət və özəl sektorun şəffaflığı, yüksək riskə malik sektorlarda korrupsiyanın qarşısının alınması və digər məsələlər müzakirə edilib.

Antikorrupsiya üzrə işçi qrupun ilk iclasında Baş prokuror yanında Korrupsiyaya qarşı Mübarizə Baş İdarəsinin Təşkilati və informasiya təminatı idarəsinin rəisi Orxan İsayev çıxış edərək ölkədə korrupsiyaya qarşı mübarizə sahəsində görülmüş işlər barədə ətraflı məlumat verib

Bundan başqa, O.İsayev martın 6-da İqtisadi Əməkdaşlıq və İnkişaf Təşkilatı (OECD) və Türkiyə hökuməti tərəfindən təşkil edilmiş 5-ci yüksək səviyyəli konfransda da iştirak edərək müzakirə edilən məsələlərlə bağlı iştirakçı ölkələrin nümayəndələri ilə səmərəli fikir mübadiləsi aparıb.