Bakı. Yeganə Laçınzadə - APA-Economics. Kredit qoyuluşlarında vaxtı keçmiş kreditlərin həcmi bu ilin iyun ayının 1-nə 1 mlrd. 514,2 mln. manat təşkil edib.
“APA-Economics” Azərbaycan Mərkəzi Bankına istinadən xəbər verir ki, bu, illik müqayisədə 201 mln. manat və ya 15,3% çoxdur.
Bu ilin aprel ayı ilə müqayisədə mayda problemli kreditlərin həcmi 132,9 mln. manat və ya 9,6% artıb.
Hesabat dövründə milli valyutada 9 mlrd. 676 mln. manatlıq kredit verilib ki, bunun da 777,7 mln. manatının və ya 8%-inin ödəmə vaxtı gecikir. Bu müddətdə xarici valyutada 8 mlrd. 521,1 mln. manatlıq kredit verilib. Xarici valyutada problemli kreditlərin həcmi 736,5 mln. manat və ya 8,6% təşkil edir. Ümumiyyətlə, manatda vaxtı keçmiş kreditlərin ümumi problemli kreditlərin həcmində çəkisi 51,36%, xarici valyutada isə bu göstərici 48,64% təşkil edir.
Onu da qeyd edək ki, vaxtı keçmiş kreditlərin həcmi ümumi kredit qoyuluşlarında xüsusi çəkisi 8,3% təşkil edir. Xatırladaq ki, apreldə bu göstərici 7,4% olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
