Bakı. Pərviz Nuriyev – APA-Economics. “Unibank”ın aktivlərinin həcmi 2014-cü ilin II rübündə 781,559 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 21,9% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 27,5% artaraq 648,871 mln. manat olub.
Bankın kredit portfelinin strukturunda vaxtı keçmiş kreditlərin həcmi son hesabat dövrünə 36,259 mln. manat olub ki, buda kredit portfelinin 5,6%-ni təşkil edir .
Bankın depozit portfeli hesabat dövrü ərzində 18,6% artaraq 446,883 mln. manata çatıb və əhalinin əmanətləri 19,6% artaraq 395,925 mln. manat olub.
Bir il ərzində bankın məcmu kapitalı 33% artaraq 120,016 mln. manata çatdığı halda, nizamnamə kapitalı dəyişməyərək 56,565 mln. 12 min manat təşkil edib.
Bankın gəlirləri ötən ilin müvafiq dövrünə nisbətən təxminən 19,5% azalaraq 48,315 mln. manata çatıb, xərclər isə 36,5% azalaraq 28,342 mln. manat olub.
İkinci rübdə bankın əldə etdiyi mənfəət 14,08 mln. manat təşkil edib.
Hazırda bankın ölkə üzrə 23 filialı, 69 bankomatı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
