Bakı. Nicat Mustafayev – APA-Economics. Son 5 il ərzində Azərbaycanın daxili borc bazarında korporativ qiymətli kağızlar sektorunun payı 7 dəfədən çox artıb. «APA-Economics»in məlumatına görə, bu barədə Azərbaycan Qiymətli Kağızlar üzrə Dövlət Komitəsinin sədri Rüfət Aslanlı bildirib.
Onun sözlərinə görə, hazırda ölkənin daxili borc bazarında dövlət alətləri üstünlük təşkil edir: «Daxili borc bazarında dövlət alətlərinin payı 80%-dən çoxdur, korporativ borc alətlərinin bazardakı payı isə 15-17%-dir. Lakin dinamika ilə qiymətləndirsək, 5 il bundan öncə korporativ qiymətli kağızların payı 2%-dən bir qədər çox olub. Ötən 5 il ərzində görmək olar ki, proses qarşıya qoyduğumuz hədəf istiqamətində gedir və hədəfə çatmaq üçün potensial böyükdür».
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
