Bakı. Fuad Cəfərov – APA. Bakıda yol qəzası qeydə alınıb.
APA-nın Fövqəladə Hallar Nazirliyinin saytına istinadən verdiyi məlumata görə, “112” qaynar telefon xəttinə daxil olmuş məlumata əsasən, Qaradağ rayonu ərazisində “DAMAS” markalı yük avtomobili yoldan çıxaraq aşıb və yol kənarındakı işıq dirəyinə çırpılıb.
Qəza nəticəsində avtomobildə sıxılan vəziyyətdə qalmış sürücü xilasedicilər tərəfindən çıxarılaraq Təcili Tibbi Yardım Stansiyasının əməkdaşlarına təhvil verilib.