Hadisə yerinə Fövqəladə Hallar Nazirliyinin (FHN) Ağsu Dövlət Yanğından Mühafizə Hissəsinin 3 avtomobili və canlı qüvvəsi cəlb olunub. Yanğın qısa müddətdə geniş ərazini əhatə etdiyi üçün və alovun yaxınlıqdakı sıx meşəyə keçməsi təhlükəsi yarandığı üçün əraziyə kömək üçün Kürdəmir və Şamaxı yanğınsöndürənləri də cəlb olunub. Dağlıq ərazidə havanın və küləkli olması alovun qarşısını almaq işini çətinləşdirib. Yanğın gecə saat 2:00 radələrində tam söndürülüb. Ümumilikdə 2.5 hektar ərazidə kol-kos və xırda ağaclar yanıb. Hadisənin hansı səbəbdən baş verdiyi hələ ki, məlum deyil.
FHN-in yaydığı məlumatda bildirilir ki, Ağsu rayonunda dağlıq ərazidə 2.5 ha sahədə kol-kos yanıb. Yaxınlıqdakı meşə zolağı yanğından mühafizə olunub. Yanğın saat 01:40-da yanğınsöndürənlər tərəfindən söndürülüb.
***
01:02
Ağsu rayonunda dağlıq ərazidə yanğın hadisəsi baş verib.
APA-nın yerli bürosunun xəbərinə görə, yanğın sentyabrın 4-də gecə saat 23:30 radələrində Ağsu şəhərinin şimalındakı dağlıq ərazidə qeydə alınıb.
Yanğın hazırda kol-kos və xırda ağaclar olan ərazini əhatə edir. Hadisə yerinə FHN-nin Ağsu Dövlət Yanğından Mühafizə Hissəsinin 3 avtomobili və canlı qüvvəsi cəlb olunub. Yanğın qısa müddətdə geniş ərazini əhatə etdiyi üçün və alovun yaxınlıqdakı sıx meşəyə keçməsi təhlükəsi yarandığı üçün əraziyə kömək üçün Kürdəmir və Şamaxı yanğınsöndürənləri də cəlb olunub.
Hazırda yanğın davam edir. Yanğınsöndürənlər alovun qarşısını almağa çalışırlar. Dağlıq ərazidə havanın və küləkli olması alovun qarşısını almaq işini çətinləşdirir. Hadisənin hansı səbəbdən baş verdiyi hələ ki, məlum deyil.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
