Bakı – APA. Azərbaycan xarici işlər naziri Elmar Məmmədyarov Slovakiyanın ölkəmizdə akkreditə olunmuş səfiri Jozef Miqası diplomatik fəaliyyətinin başa çatması ilə əlaqədar qəbul edib.
Azərbaycan Xarici İşlər Nazirliyinin mətbuat xidmətindən APA-ya verilən məlumata görə, E. Məmmədyarov J. Miqasa gələcək diplomatik fəaliyyətində uğurlar arzulayıb.
Görüşdə iki ölkə arasında əlaqələrin inkişafı üçün geniş imkanların olduğu qeyd olunub, müqavilə-hüquq bazasının genişləndirilməsi, habelə siyasi, iqtisadi, mədəni və digər sahələrdə əməkdaşlıq məsələləri müzakirə edilib.