Bakı. Vüsal Nəbiyev - APA-Economics. Artıq “Azərbaycan Hava Yolları” QSC-də (AZAL) aviabiletin əldə edilməsi zamanı hava gəmisində yerin seçilməsi mümkün olacaq.
AZAL-dan “APA-Economics”ə verilən məlumata görə, “Azərbaycan Hava Yolları” QSC Bakı-Nyu-York/Nyu-York-Bakı istiqamətindəki J2 101/102 saylı müntəzəm uçuşlarda hava gəmisində öncədən yerin seçilməsi proqramının (ASR- Advance Seat Reservation) tətbiqinə başlayır.
İndi Bakı-Nyu-York/Nyu-York-Bakı istiqamətindəki J2 101/102 saylı uçuşun hər bir sərnişini aviabilet əldə edərkən (və ya bronlaşdırma zamanı) hava gəmisində konkret yeri seçə bilər.