Bakı. Xanım Nağıyeva-APA Bu gün Muzey Mərkəzində Qara Qarayev adına V Beynəlxalq Müasir Musiqi Festivalı çərçivəsində müasir musiqi problemlərinə həsr olunan "Bəstəkar yaradıcılığında kontekst, diskurs, dekonstruksiya və intertekstuallığın rolu və yeri" adlı elmi simpozium keçirilib.
APA-nın məlumatına görə, simpoziumda Ketevan Bolaşvilinin "Pierre Boulez: yaradıcılığın səmtləri", Cahangir Səlimxanovun "Luciano Berion'un simfoniyası və müasir dövrdə çoxmədəniyyətli mənsubiyyət əlamətləri", Gülarə Sadıxzadənin "Dəbdə kimdir? Avropa akademik musiqi festivallarında müasir musiqi", Anna Əmrahovanın "Müasir musiqidə forma yaradıcılığının özəllikləri. Koqnitiv aspekt”, Zümrüd Dadaşzadənin "Qara Qarayev. XXI əsrdən baxış" mövzularında məruzələri dinlənilib.
Qeyd edək ki, Bakıda keçirilən Qara Qarayev adına V Beynəlxalq Müasir Musiqi Festivalı aprelin 19-dək davam edəcək
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
