Bakı. Şəhriyar Əlizadə - APA. Bakıda soyğunçuluqda şübhəli bilinən şəxslər saxlanılıb.
Bakı şəhər Baş Polis İdarəsindən APA-ya verilən məlumata görə, Suraxanı rayon 30-cu və Nizami rayon 24-cü Polis Bölmələrinin əməkdaşlarının birgə keçirdikləri əməliyyat-axtarış tədbirləri nəticəsində, oktyabrın 31-də Hövsan qəsəbəsində Bakı şəhər sakini Ramil Valoşinini yumruqla vurub mobil telefonun soyğunçuluq yolu ilə talamaqda şübhəli bilinən Bakı şəhər sakinləri - 1995-ci il təvəllüdlü Qadir Mirzəyev və 2000-ci il təvəllüdlü Elnur Süleymanov tutulub.
Nəsimi rayon 20-ci Polis Bölməsinin əməkdaşlarının birgə keçirdikləri əməliyyat-axtarış tədbirləri nəticəsində isə oktyabrın 30-da Moskva prospektində «İsuzi» markalı 61 saylı xətt avtobusunu idarə edən Bakı şəhər sakini İsmayıl Məmmədovun əlindən 19 manatı soyğunçuluq yolu ilə talamaqda şübhəli bilinən Bakı şəhər sakini, 1974-cü il təvəllüdlü Hicran Aydınov saxlanılıb.
Faktlarla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
