Bakı. Yeganə Laçınzadə - APA-Economics. Azərbaycanda 2015-ci il fevralın 1-nə 2 618 ədəd bankomat quraşdırılıb.
Azərbaycan Mərkəzi Bankından “APA-Economics”ə verilən məlumata görə, bu, ötən ayla müqayisədə 10 ədəd və ya 0,38% çoxdur, ötən ilin müvafiq dövrü ilə müqayisədə isə 201 ədəd və ya 8,32% çoxdur.
Cari ilin fevralın 1-nə bankomatların 1 480-i (keçən ilə nəzərən 8,98% artımla) Bakı şəhərində, 1 138-i (keçən ilə nəzərən 7,46% artımla) isə digər şəhər və rayonlarda yerləşir.