Bakı - APA-Economics. Çin mayda Rusiyadan neftin idxalını 1,24 mln. barel/sutkada çatdırıb ki, bu da tarixi maksimumdur.
"APA-Economics" "Reuters" agentliyinə istinadən xəbər verir ki, bu barədə Çinin Dövlət Gömrük İdarəsinin açıqladığı statistikada qeyd edilib.
Ötən ay ərzində neft idxalı 2015-ci ilin may ayı ilə müqayisədə 33,7% çoxdur.
Bundan başqa, Çin mayda Səudiyyə Ərəbistanından idxalı 33,6% artıraraq 962 min barel/sutkada çatdırıb. İran isə may ərzində Çinə sutkada 619,3 min barel neft ixrac edib.