Bakı – APA. “Sədərək” ticarət mərkəzində yanğın nəticəsində ümumi sahəsi 1200 m² olan 1 korpusun dam örtüyü 45 m², sahibləri məlum olmayan ümumi sahəsi 40 m² olan 4 ədəd geyim mağazasının yanar konstruksiyaları və içərisindəki əşyalar yanıb.
APA-nın xəbərinə görə, bu barədə Fövqəladə Hallar Nazirliyinin rəsmi saytında yer alan məlumatda deyilir.
Bildirilir ki, yüksək temperaturdan ümumi sahəsi 39 m olan 3 ədəd mağazanın lambirdən ibarət tavanı əriyib. Ticarət mərkəzinin qalan hissəsi yanğından mühafizə olunub.
*** 09.58
Bakı - APA. Bakının Qaradağ rayonunda “Sədərək” Ticarət Mərkəzində baş vermiş yanğının qarşısı alınıb.
APA-nın FHN-in saytına istinadən verdiyi məlumata görə, bu gün səhər saatlarında başlayan yanğın saat 09:25-də yanğınsöndürənlər tərəfindən söndürülüb.
Əlavə məlumat veriləcək.
***
saat 09.14
Bakı. Hafiz Heydərov - APA. “Sədərək” Ticarət Mərkəzində yanğın baş verib.
Şahidlərin APA-ya verdiyi məlumata görə, yanğın mağazalardan birində qeydə alınıb.
Hadisə yerinə yanğınsöndürənlər cəlb olunub.
FHN-in Dövlət Yanğından Mühafizə Xidmətindən APA-ya bildirilib ki, yanğın lokallaşdırılıb.
Yanğının söndürülməsi üçün tədbirlər davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
