Bakı. Cavid Zeynallı - APA. G.A.Tovstonoqov adına Rusiya Böyük Dram Teatrı Azərbaycan Dövlət Rus Dram Teatrının səhnəsində çıxış edib. Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, səfər “Böyük qastrollar-2015" çərçivəsində baş tutub.
Kollektiv Rus Dram Teatrının səhnəsində Fyodr Dostoyevskinin “Dayının yuxusu” povesti əsasında hazırlanmış eyniadlı tamaşanı təqdim edib.
Teatrın Bakıya ilk qastrol səfəri Mədəniyyət və Turizm Nazirliyi və Rusiya Federasiyası Mədəniyyət Nazirliyinin təşkilatçılığı ilə reallaşıb.
Rusiyanın xalq artisti, rejissor Timur Çxeidzenin hazırladığı tamaşada SSRİ xalq artistləri Alisa Freyndlix və Oleq Basilaşvili, xalq artisti Yelena Popova, əməkdar artistlər Yevqeni Çudakov, Mariya Lavrova, Sergey Qaliç və digərləri rol alıb.
Qeyd edək ki, “Dayının yuxusu” Rusiya Böyük Dram Teatrının “qızıl fondu”na daxil olan tamaşadır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
