Bakı-APA. Türkiyə Hərbi-Hava Qüvvələrinin sabiq komandanı, ordu generalı Akın Öztürk həbs olunub.
APA-nın “Cümhuriyyət”ə istinadən verdiyi xəbərə görə, Akın Öztürk hərbi çevriliş cəhdi ilə əlaqədar saxlanılıb.
Akın Öztürkün qiyamçıların lideri olduğu və çevriliş cəhdinin arxasında durduğu ehtimal olunur.
Hərbi-Hava Qüvvələrinin sabiq komandanı Kazan ilçəsində saxlanılıb. Məlumata görə, Akın Öztürkün ətrafında olan digər qiyamçı əsgərlər də silahlarını yerə qoyaraq təslim olublar.
Bundan əvvəl Türkiyə Silahlı Qüvvələrinin 2-ci ordusunun komandanı, ordu generalı Adəm Huduti həbs edilib.
Qeyd edək ki, Türkiyədə hərbi çevriliş cəhdi ilə əlaqədar yüksək və orta rütbəli zabitlər daxil olmaqla 2800-dək şəxs saxlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
