Bakı. Cavid Zeynallı – APA. Sentyabrda Bakıya 50-dən artıq yeni marşrut avtobusu gətiriləcək.
APA-nın məlumatına görə, bu barədə Nazirlər Kabineti yanında Bakı Nəqliyyat Agentliyinin baş direktorunun müşaviri Mübariz Abbasov məlumat verib.
Agentlik rəsmisinin sözlərinə görə, marşrut avtobuslarının yenilənməsi prosesi davam edəcək: “Artıq şirkətlər başa düşür ki, yararsız avtobusları işlətmək olmaz. Belə olarsa, Bakı Nəqliyyat Agentliyi həmin avtobusların istismara buraxmasının qarşısını alacaq. Diqqət edəndə məlum olur ki, yol-nəqliyyat hadisələrinin əksəriyyəti istismara yararsız olan nəqliyyat vasitələrinin səbəbindən baş verir. Standartlara cavab verməyən marşrut avtobusları istismardan çıxarılacaq”.
M. Abbasov əlavə edib ki, hazırda 302 ədəd yeni avtobus fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
