Moskva. Fərid Əkbərov – APA. Azərbaycanın Moldovaya yeni təyin olunmuş səfiri Qüdsi Osmanov etimadnaməsinin surətini bu ölkənin xarici işlər və Avropa inteqrasiyası nazirinin müavini Lilian Dariyə təqdim edib.
APA-nın məlumatına görə, moldovalı nazir müavini Qüdsi Osmanova uğurlar arzulayıb və ona Moldova tərəfinin tam dəstəyini ifadə edib.
Lilian Dariy ölkəsinin Azərbaycanla siyasi dialoq və iqtisadiyyatın diversifikasiyasi və ticarət münasibətləri dərinləşdirməkdə maraqlı olduğunu söyləyib.
Görüşdə yaxın vaxtlarda xarici işlər nazirləri müavinləri səviyyəsində Azərbaycan-Moldova siyasi məsləhətləşmələrinin, iki ölkə arasında ticarət-iqtisadi əməkdaşlığa dair hökumətlərarası komissiyanın iclasının keçirilməsinin vacibliyi qeyd olunub.
Q. Osmanov da öz növbəsində rəsmi Bakının mövcud iqtisadi əməkdaşlıq potensialının inkişafı üçün ikitərəfli münasibətlərin aktivləşməsində maraqlı olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
