Bakı. Şəhriyar Əlizadə - APA. Abşeron və Bərdə rayonlarında piyadanın vurulması ilə nəticələnən yol-nəqliyyat hadisələri qeydə alınıb.
APA-nın DİN-in saytına istinadən verdiyi məlumata görə, avqustun 27-də saat 21.00 radələrində Abşeron rayonunun Novxanı qəsəbəsində Bakı şəhər sakini Rəhman Qasımov idarə etdiyi “Volkswagen” markalı avtomobillə yolu keçən qəsəbə sakini Ruslan Məmişovu vurub. Piyada hadisə yerində ölüb.
Avqustun 27-də saat 22 radələrində Bərdə rayonunun Divanlı kəndində Ağdam rayon sakini Qabil Əliyev idarə etdiyi “Moskviç 412” markalı avtomobillə yolu keçən 45-50 yaşlı kişini vurub. Piyada hadisə yerində ölüb.
Hər iki faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
