Bakı. Etibar Məmmədov - APA. Bu gün “Azadlıq” Siyasi Əməkdaşlıq Mərkəzinin Sədrlər Şurasının iclası keçirilib.
APA-nın məlumatına görə, iclasda mərkəzin işinin təşkili məsələləri müzakirə olunub, əməkdaşlığın dərinləşdirilməsi və genişləndirilməsi ilə bağlı ümumi razılığa gəlinib, mərkəzin illik fəaliyyət proqramının hazırlanması ilə bağlı İşçi Qrup yaradılıb.
Sədrlər Şurası üzvləri arasında iş bölgüsü aparılıb. “Azadlıq” ölkədəki iqtisadi vəziyyət, müxalif düşərgənin fəaliyyətinin sistemləşdirilməsi məsələləri ətrafında da müzakirələr aparıb, uyğun qərarlar qəbul olunub.
Qeyd edək ki, mərkəzə Vətəndaş və İnkişaf Partiyası (VİP), Klassik Xalq Cəbhəsi Partiyası (KXCP) Azadlıq Partiyası, Böyük Azərbaycan Partiyası (BAP) və Azərbaycan Liberal Demokrat Partiyası (ALDP) daxildir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
