Bakı. Hafiz Heydərov – APA. Naxçıvanda ölümlə nəticələnən yol qəzası baş verib.
Daxili İşlər Nazirliyinin mətbuat xidmətindən APA-ya verilən məlumata görə, hadisə iyulun 12-də saat 08 radələrində Kəngərli rayonunun Xok kəndində qeydə alınıb. Şərur rayon sakini Daşqın Heydərov idarə etdiyi “VAZ-21723” markalı avtomobili qarşıda gedən Kəngərli rayon sakini Saleh İsayevin idarə etdiyi “MTZ-80” markalı traktora vurub. Xəstəxanaya yerləşdirilən D.Heydərovun sərnişini, atası Şahgəldi Heydərov iyulun 13-də orada ölüb.
Faktla bağlı Naxçıvan Muxtar Respublikasının Daxili İşlər Nazirliyinin Dövlət Yol Polisi İdarəsi tərəfindən araşdırma aparılır.