Bakı-APA. Rusiya məmurlarına “WhatsApp”, “Viber” və “Telegram” kimi sertifikatlaşdırılmamış kommunikasiya əlavələrindən istifadə etmək qadağa qoyulacaq. Qayda pozucularına qarşı vəzifədən kənarlaşdırılma da daxil olmaqla, intizam cəzası tətbiq ediləcək.
APA-nın “RİA Novosti”yə istinadən verdiyi xəbərə görə, bu barədə “İzvestiya” nəşri məlumat yayıb.
Məlumata görə, qeyd olunan məsələni nizamlayacaq normativ aktların hazırlanmasına görə məsuliyyət Federal Təhlükəsizlik Xidmətinin üzərinə qoyulacaq.
Sənədin 2017-ci ilin birinci rübünün sonunadək hazırlanacağı gözlənilir.
Qadağa məmurların şəxsi məsələlərinin populyar messencerlər vasitəsilə müzakirəsinə şamil edilməyəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
