Bakı. Cavid Zeynallı - APA. Cəfər Cabbarlı adına Azərbaycan Dövlət Teatr Muzeyində xalq artisti Yaşar Nurinin anım tədbiri keçiləcək.
Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, anım günündə tədbir iştirakçıları fonda daxil olmuş şəxsi arxiv əşyaları və guşə ilə tanış olacaqlar. Həmçinin qonaqlara aktyorun yaradıcılığını əks etdirən video çarxlar nümayiş etdiriləcək, yaxınları və sənət dostları onunla bağlı xatirələrini söyləyəcəklər.
Tədbirdə Mədəniyyət və Turizm Nazirliyinin, Teatr Xadimləri İttifaqının əməkdaşları, Bakı teatrlarının rəhbərlikləri, teatr tənqidçiləri, rejissor və aktyorlar, Yaşar Nurinin ailə üzvləri iştirak edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
