Bakı. Fərid Mirzəyev - APA. Bu gün fəxri adlara layiq görülmüş təhsil işçilərinə mükafatların təqdim olunma mərasimi keçirilib.
APA-nın xəbərinə görə, mərasimdə təhsil naziri Mikayıl Cabbarov, təhsil nazirinin müavinləri, təhsil işçiləri və digər rəsmi şəxslər iştirak edib.
Nazir çıxışında bildirib ki, 5 oktyabr – Beynəlxalq Müəllimlər Günü münasibətilə Azərbaycan prezidenti İlham Əliyevin imzaladığı sərəncamla 60 nəfər “Əməkdar müəllim”, 63 nəfər “Tərəqqi” medalı, 3 nəfər elmin inkişafında göstərdiyi xidmətlərə görə “Əməkdar elm xadimi” mükafatına layiq görülüb: “Prezident İlham Əliyevin gənc nəslin tərbiyəsi, milli-mənəvi ruhda böyüməsi ilə bağlı verdiyi tapşırıq və tövsiyələr təhsil işçilərinin qarşısında duran əsas vəzifələrdən biridir”.
Tədbirin sonunda təhsil işçilərinin mükafatları təhsil naziri tərəfindən onlara təqdim edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
