Bakı. Şəhriyar Əlizadə - APA. Bakıda mənzildən 80 min manatlıq qızıl əşyalar oğurlamaqda təqsirləndirilən şəxslər barələrində olan hökmdən apellyasiya şikayəti veriblər.
APA-nın məlumatına görə, Yevgeniy Şepiya və Xalid Gülməmmədov cəzalarının azaldılması barədə apellyasiya şikayəti ilə Bakı Apellyasiya Məhkəməsinə müraciət ediblər.
Məhkəmənin ilkin baxış iclası iyulun 8-də keçiriləcək.
Qeyd edək ki, Bakı Ağır Cinayətlər Məhkəməsinin hökmü ilə hər iki şəxs 8 il müddətinə azadlıqdan məhrum edilib.
Oğurluq hadisəsi keçən ilin dekabrında Sabunçuda baş verib. Dekabrın 24-də Sabunçu rayonunda yaşayan Vidadi Hüseynovun evindən pəncərədən girmək yolu ilə məişət əşyaları və dəmir seyfdən qapısı sındırılaraq 80 min manat dəyərində qızıl əşyalar oğurlanıb. Sabunçu RPİ 13-cü PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakinləri Yevgeniy Şepiya və Xalid Gülməmmədov tutulublar.