Bakı. Şəhriyar Əlizadə - APA. Bakı Apellyasiya Məhkəməsində şair Saday Şəkərli barəsində hökmdən verilən apellyasiya şikayəti üzrə məhkəmə prosesi başlayıb.
Bu barədə APA-ya məlumat verən vəkil Bəhruz Bayramov bildirib ki, ilkin baxış iclasında təqsirləndirilən şəxsin anket məlumatları dəqiqləşdirilib. İclasda müdafiə tərəfindən prosesin qismən istintaqla aparılması barədə vəsatətə baxılıb. Prokuror vəsatətin təmin edilməməsini istəyib. Məhkəmə prosesinin ilkin baxış iclası iyulun 8-də davam etdiriləcək.
Bakı Ağır Cinayətlər Məhkəməsinin hökmü ilə S. Şəkərli 10 il müddətinə azadlıqdan məhrum edilib. Hökmdən apellyasiya şikayəti verilərək bəraət hökmünün çıxarılması istənilib. O, Cinayət Məcəlləsinin 182.3.2-ci (külli miqdarda əmlakı hədə-qorxu ilə tələb etmə) maddəsi ilə ittiham olunub. S. Şəkərli Azərbaycan Yazıçılar Birliyinin üzvüdür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
