Bakı. Cavid Zeynallı – APA. Mirzə Fətəli Axundov adına Milli Kitabxanada görkəmli bəstəkar Qara Qarayevin anadan olması münasibətilə “Unudulmaz bəstəkar-Qara Qarayev” adlı kitab sərgisi açılıb.
Kitabxanadan APA-ya verilən məlumata görə, sərgidə müəllifin not-musiqi əsərləri, haqqında yazılmış kitablar, görkəmli şəxsiyyətlərin bəstəkar haqqında söylədiyi fikirlər nümayiş olunur.
Sərgidə eyni zamanda Azərbaycan, rus və digər dillərdə ədəbiyyat sərgilənir.