Ağdaş. Elvin Yaqubov-APA. Ağdaş rayonunda minik avtomobili yanıb. APA-nın yerli bürosunun xəbərinə görə, hadisə rayonun Ərəb Kükəl kəndində qeydə alınıb. Kənd sakini İsmayılov Ramin Əfzələddin oğlunun idarə etdiyi 10-OD-520 dövlət nömrə nişanlı “Mercedes” markalı minik avtomobili yanıb. Avtomobilin mühərrikində baş verən yanğın qısa vaxt ərzində genişlənib.
Hadisə yerinə FHN-nin Göyçay Dövlət Yanğından Mühafizə Hissəsinin iki yanğınsöndürən maşını cəlb olunub. Alov avtomobilin hər tərəfini əhatə etsə də, yanğın söndürülüb. Hadisə zamanı xəsarət alan olmayıb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
