Bakı. Yeganə Laçınzadə - APA-Economics. İcbari Sığorta Bürosu ilə yanaşı, sığorta şirkətləri də “Audatex-Azərbaycan” şirkətində pay sahibi ola bilər.
“APA-Economics” xəbər verir ki, bunu “Audatex-Azərbaycan” şirkətinin icraçı direktoru Zakir Kərimzadə deyib.
Onun sözlərinə görə, “Audatex-Azərbaycan”la əməkdaşlıqda maraqlı olan istənilən şirkət burada paya sahib ola bilər: “İcbari Sığorta Bürosu şirkətdə pay sahibi olduqdan sonra “Audatex-Azərbaycan” təşkilati formasını dəyişməyəcək. İcbari Sığorta Bürosu isə şirkətin təsisçilərindən biri kimi fəaliyyət göstərəcək”.