Lənkəran-Lerik yolunda avtomobil qəzası baş verib.
APA-nın cənub bürosunun verdiyi məlumata görə, hadisə Lənkəranın Qurunba kəndi ərazisində qeydə alınıb.
”VAZ-2106” və ”QAZ-24” markalı avtomobillərin toqquşması nəticəsində Lənkəranın Narbağı kənd sakini Qızılgül Ayaz qızı Məmmədova hadisə yerində ölüb. Onun meyiti Lənkəran morquna təhvil verilib.
Gülşən Şirinova adlı sərnişin isə xəsarət alıb. Onun vəziyyətinin orta-ağır olduğu deyilir.
Fakt araşdırılır.