Misir hərbçiləri Sinay yarımadasının şimalında 24 silahlını məhv ediblər.
APA-nın RİA Novosti agentliyinə istinadən verdiyi xəbərə görə, bu barədə Misir Silahlı Qüvvələrinin rəsmi nümayəndəsi bəyan edib. Onun sözlərinə görə, terrorçularda qarşıdurmada 6 hərbçi həlak olub.
Ötən axşam Misirin Sinay yarımadasında naməlum silahlılar iki nəzarət-keçid məntəqəsinə hücum edib. Bölgədə antiterror əməliyyatının davam etdiyi bildirilir.
***
22:15
Misirin Sinay yarımadasında naməlum silahlılar iki nəzarət-keçid məntəqəsinə hücum edib.
APA-nın RİA Novosti agentliyinə istinadən verdiyi xəbərə görə, Karad əl-Kavadis yaşayış məntəqəsi yaxınlığında törədilən hücum nəticəsində ölən və yaralananlar var.
Hazırda Misirin təhlükəsizlik qüvvələri tərəfindən ərazidə xüsusi əməliyyat keçirilir. Oktyabrın 13-də əl-Əriş şəhərində silahlıların hücumu nəticəsində 6 Misir hərbçisi həlak olub, bir neçəsi yaralanıb.
Qeyd edək ki, Misir ordusu üç ildən çoxdur ki, Sinay yarımadasının şimalında ekstremist qruplaşmalara qarşı antiterror əməliyyatı həyata keçirir.