Hindistanın cənubundakı Tamiland əyalətinin Kurangani ərazisində meşə yanğını baş verib.
APA-nın ANİ agentliyinə istinadən verdiyi xəbərə görə, yanğın turistlər trekkinqdən qayıdan zaman baş verib.
Hadisə nəticəsində ən az 9 nəfər ölüb. Onlardan 4-ü qadın, 4-ü kişi və biri isə azyaşlıdır. 27 nəfər yanğından xilas edilib, 18 nəfər isə yaralanıb. Onlardan 8-i ciddi yanıq xəsarətləri alıb.