Bakı. Vüsal Nəbiyev – APA-Economics. Bu gün səhər saatlarından etibarən “Xırdalan dairəsi” təmirə bağlanılıb.
“APA-Economics”in məlumatına görə, bunun nəticəsində Bakı-Sumqayıt və əks istiqamətdə tıxac yaranıb.
Hazırda Xırdalan dairəsində yol-patrul xidmətinin əməkdaşları nəqliyyatın hərəkətini tənzimləməyə çalışır.
Təmir işlərini Nəqliyyat Nazirliyi “Azəryolservis” ASC həyata keçirir.
“Azəryolservis” ASC-nin mətbuat xidmətinin rəhbəri Anar Nəcəfli bildirib ki, I Avropa oyunları ilə əlaqədar “Xırdalan dairəsi”ndə asfalt-beton örtüyü yenilənir: “Təmir işləri 2-3 gün ərzində başa çatdırılacaq”.