"Azərbaycanın bank sektoru zəif olaraq qalır".
Bu barədə “APA-Economics” “Fitch” beynəlxalq reytinq agentliyinin yaydığı məlumata istinadən xəbər verir. Agentlik Azərbaycanın bank sektorunu "Fitch Bank System Indicator" (BSI) üzrə “ccc” səviyyəsində qiymətləndirib.
2018-ci ilin aprel ayında bank sektorunda kapitalın kifayətliliyi göstəricisi Azərbaycan Beynəlxalq Bankı (ABB) nəzərə alınmadan 2017-ci ilin sonuna olan 18,4%-dən 17,2%-ə enib, qeyri-işlək kreditlər mayın əvvəlinə 21%-dək artıb.
“Fitch”in mütəxəssisləri hesab edir ki, cari ilin aprel ayında bank sektoru üzrə xalis açıq valyuta mövqeyi (ABB nəzərə alınmadan) 1,5 mlrd. manat (ÜDM-nin 1,8%-i) təşkil edib.
"2017-ci ildə xarici öhdəliklərin restrukturizasiyasından sonra ABB-nin kapitallaşması və aktivlərinin keyfiyyəti yaxşılaşıb", - deyə məlumatda vurğulanır.