Bu il keçirilən imtahanların nəticələrinə əsasən, Dövlət İmtahan Mərkəzi tərəfindən 1423 nəzarətçi müəllimə təşəkkür elan edilib, 27 nəfər isə fəxri fərmanla təltif edilmək üçün nəzərdə tutulub.
APA-nın xəbərinə görə, bu barədə DİM-in illik hesabatında bildirilir.
İl ərzində zal nəzarətçilərinin elektron qeydiyyatı aparılıb. 2018-ci ilin noyabr ayında həyata keçirilən elektron qeydiyyatın nəticələrinə görə 2019-cu ildə keçiriləcək imtahanlarda iştirak edəcək nəzarətçilər bazası 14890 nəfərdən ibarət olub. 2020-ci ildə imtahanlarda iştirak edəcək nəzarətçilərin elektron qeydiyyatı 2019-cu ilin 15 noyabrında başlayıb və 5 dekabrında yekunlaşdırılıb. Qeydiyyatın nəticələrinə görə, baza 15003 nəfər nəzarətçidən ibarətdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
