Azərbaycan prezidenti İlham Əliyevin sərəncamı ilə 2017/2018-ci tədris ilində Prezident təqaüdünə layiq görülən 102 nəfərdən 24-ü Bakı Ali Neft Məktəbinin (BANM) tələbəsi olub.
BANM-dən APA-ya bildirilib ki, Ali Məktəb I ixtisas qrupu üzrə ölkə lideri olub. BANM bununla da I ixtisas qrupu üzrə tarixi rekordu müəyyənləşdirib. Buna qədər böyük rəqabətin getdiyi I qrupda heç bir universitet maksimal sayda Prezident təqaüdçüsü ilə təmsil olunmayıb.
24 Prezident təqaüdçüsündən 7 nəfər 700 bal, 13 nəfər 695 bal, 1 nəfər 691 bal, 3 nəfər isə 690 bal toplayıb. Onlardan 21 nəfər “Proseslərin avtomatlaşdırılması mühəndisliyi”, 2 nəfər “Kimya mühəndisliyi”, 1 nəfər isə “Neft-qaz mühəndisliyi” ixtisasını seçib.
Ali Məktəbin yarandığı ildən bu günə qədər Prezident təqaüdçülərin sayı 101 nəfərə çatıb.
Prezident təqaüdçülərinin ali məktəblər üzrə bölgüsü
Ali məktəb |
Prezident Təqaüdçülərinin sayı |
Azərbaycan Tibb Universiteti |
26 |
Bakı Ali Neft Məktəbi |
24 |
Azərbaycan Dövlət İqtisad Universiteti |
17 |
Bakı Dövlət Universiteti |
16 |
Azərbaycan Respublikası Prezidenti Yanında Dövlət İdarəçilik Akademiyası |
9 |
“ADA” Universiteti |
6 |
Azərbaycan Dövlət Neft və Sənaye Universiteti |
1 |
Naxçıvan Dövlət Universiteti |
1 |
UFAZ |
1 |
Polis Akademiyası |
1 |