Milli Məclisin deputatı Novruz Aslanov İsmayıllı rayonuna səfər edib. APA-nın məlumatına görə, davamlı şəkildə qəbullar keçirən millət vəkili bu dəfə İsmayıllı şəhərində icra başçısı Mirdaməd Sadıqovla birgə vətəndaşları qəbul edib.
Qəbula gələn insanlar şəxsi məişət problemləri ilə yanaşı müxtəlif mövzularda müraciətlər də ediblər. Bir neçə məsələ yerindəcə həllini tapıb. Millət vəkilinin səlahiyyətlərinə aid olan məsələlər N. Aslanov tərəfindən nəzarətə götürülüb və həlli üçün müvafiq addımlar atılıb.
Qeyd edək ki, icra hakimiyyətinin başçısı ilə bir yerdə keçirilən belə qəbullar il ərzində bir neçə dəfə olur.