Birləşmiş Ərəb Əmirliklərinin hakimiyyəti Yəməndəki qiyamçı husilərin Əbu-Dabi əmirliyində tikilən "Baraka" Atom Elektrik Stansiyasına (AES) qanadlı raket buraxmasını təkzib edib.
APA-nın məlumatına görə, bu barədə BƏƏ-nin rəsmi WAM agentliyi məlumat yayıb.
Qeyd edək ki, bu gün Yəməndəki qiyamçı husilər BƏƏ-də tikilən və 2018-ci ildə birinci blokunun istifadəyə verilməsi gözlənən "Baraka" AES-ə qanadlı raket atdıqlarını və hədəfi vurduqlarını bəyan edib. Husilərin silahlı qruplaşmasının nümayəndəsi Əziz Rəşid "Baraka" AES-ə raket buraxılmasının Əb-Dabiyə siyasi və hərbi mesaj olduğunu bildirib.
BƏƏ Fövqəladə və Böhranlı Situasiyalar üzrə Milli İdarəsi ölkənin Hava Hücumundan Müdafiə Sisteminə malik olduğunu və "Baraka" AES-in belə təhlükələrdən tam qorunduğunu açıqlayıb. Eyni zamanda husilərin bəyanatına əhəmiyyət verilməməsi zəruri sayılıb.
***
saat 14.59
Yəməndəki qiyamçı husilər Birləşmiş Ərəb Əmirliklərində (BƏƏ) tikilən "Baraka" Atom Elektrik Stansiyasına (AES) qanadlı raket atıb.
APA-nın məlumatına görə, bu barədə husilərin silahlı qruplaşmasının nümayəndəsi Əziz Rəşidə istinadən "Əl-Mayadin" telekanalı məlumat yayıb.
Ə. Rəşid raketin Yəmən istehsalı olduğunu, hazırda uçuş məsafəsi 1,6 min km olan raketlər istehsal etdiklərini iddia edib. Eyni zamanda "Baraka" AES-ə raket buraxılmasının Əb-Dabiyə siyasi və hərbi mesaj olduğunu vurğulayıb.
Qeyd edək ki, "Baraka" AES Əbu-Dabidən 250 km uzaqlıqda yerləşir. AES-in ilk blokunun 2018-ci ildə istifadəyə verilməsi nəzərdə tutulub.
BƏƏ rəsmi olaraq husilərin iddiasına münasibət bildirməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
