Bakı Dövlət Universitetinin rektoru Abel Məhərrəmovun başçılıq etdiyi nümayəndə heyəti Gürcüstana səfər edəcək.
APA-nın Gürcüstan bürosunun məlumatına əsasən, nümayəndə heyəti İvane Cavaxişvili adına Tbilisi Dövlət Universitetinin (TDU) 100 illik yubileyi ilə əlaqədar 8-9 fevral tarixində keçiriləcək təntənəli tədbirlərdə iştirak edəcək.
Ali məktəbin yubiley tədbirlərinə digər xarici ölkələrin nüfuzlu universitetlərinin nümayəndələri də qatılacaq.
Qeyd edək ki, Qafqazın ilk milli universiteti olan TDU 1918-ci ilin fevralın 8-də fəaliyyətə başlayıb. 1989-cu ildə ali məktəbə onun qurucusu olan tarixçi və akademik İvane Cavaxişvilinin adı verilib. 22 mindən çox tələbənin təhsil aldığı ali məktəbdə 7 fakultə var.
TDU-nun 100 illiyi UNESCO-nun bu ilki tədbirlər təqviminə daxil edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
