Türkiyənin Ağrı vilayətində PKK silahlılarına qarşı aparılan əməliyyat zamanı 2 hərbçi və 2 kənd qoruyucusu şəhid olub.
APA-nın “Anadolu” agentliyinə istinadən verdiyi məlumata görə, bölgədə gerçəkləşdirilən əməliyyat zamanı həmçinin 8 təhlükəsizlik xidməti əməkdaşı yaralanıb.
Məlumata əsasən, əməliyyat zamanı 10 silahlı məhv edilib, terrorçulara məxsus xeyli sayda silah-sursat aşkarlanıb. Bölgədəki əməliyyatın davam etdiyi bildirilir.
Qeyd edək ki, Ağrı vilayətində əməliyyat sentyabrın 25-də PKK terrorçularının mikroavtobusu atəşə tutmasından sonra başlayıb. Vilayətin Yaygınyurt kəndi yaxınlığında qeydə alınan hadisə zamanı Əfqanıstandan olan 3 miqrant ölüb, daha 7 nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
