Zaqatala. Vüqar Heydərov - APA. Zaqatalada ölümlə nəticələnən yol qəzası baş verib.
Zaqatala Rayon Polis Şöbəsindən APA-nın Şəki-Zaqatala bürosuna verilən məlumata görə, hadisə bu gün saat 08.30 radələrində Zaqatala şəhərində baş verib.
Zaqatala rayonu Bəhmədli kənd sakini, 1985-ci il təvəllüdlü Abdullayev Anar Məzahir oğlu idarə etdiyi “Honda” markalı, dövlət nömrə nişanı olmayan motosikleti yolun kənarındakı beton dirəyə çırpıb.
A. Abdullayev hadisə yerində ölüb.
Faktla bağlı Zaqatala RPŞ-də cinayət işi başlanıb, araşdırma aparılır.