Bakı. Aqşin Rafiqoğlu – APA-Economics. Bu gün Bakı şəhərinin Yasamal və Nəsimi rayonlarının bir hissəsinə içməli suyun verilməsində məhdudiyyətlər olacaq.
«Azərsu» ASC-nin mətbuat xidmətindən «APA-Economics»ə verilən məlumata görə, paytaxtın Yasamal və Nəsimi rayonlarına verilən içməli suyun dəqiq uçotunun aparılması məqsədi ilə şəhərin giriş hissəsində - Moskva prospektindən keçən 500 mm diametrli magistral su xətti üzərində yeni elektron su sayğacının quraşdırılması ilə əlaqədar içməli su kəsiləcək.