APA-nın yerli bürosunun xəbərinə görə, hadisə Energetik-5, ev-16 ünvanında qeydə alınıb. Şəhər sakini 43 yaşlı Mirzə Nəsibova məxsus evdə qaz balonun partlaması nəticəsində güclü yanğın baş verib. Yanğın nəticəsində ev, içərisində olan əşyalar və evə bitişik tövlə yanaraq yararsız hala düşüb. Evin xanımı, 1973-cü il təvəllüdlü Şəmsiyyə Nəsibova hadisəni həyat yoldaşı 1971-ci il təvəllüdlü Mirzə Nəsibovun törətdiyini bildirib. Məlumata görə, M. Nəsibov içkili olduğundan həyat yoldaşı ilə mübahisə edib. Səs-küyü eşidən qonşular Polis Şöbəsinə bu barədə məlumat veriblər. Bundan daha qəzəblənən ər polisə xəbəri həyat yoldaşının verdiyini düşünüb. Gecə saatlarında evə gələn M. Nəsibov həyat yoldaşı ilə mübahisə etdikdən sonra qaz balonunu evə atıb və sonra kibriti alışdırıb.
Şəhər Rayon Polis Şöbəsindən APA-ya verilən məlumata görə, hadisə ailə münaqişəsi zəminində baş verib. Hadisə zamanı ölən və xəsarət alan olmayıb.
Faktla bağlı Mingəçevir Şəhər Polis Şöbəsi və Fövqəladə Hallar Nazirliyinin Mingəçevir Dövlət Yanğından Mühafizə hissəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
