Bakı. Hafiz Heydərov - APA. Qaxda qətlə yetirilən şəxslərin iki qardaş olduğu açıqlanıb.
Rayon Polis Şöbəsindən APA-ya verilən məlumata görə, həyata keçirilən tədbirlər nəticəsində evdə meyiti tapılan şəxslərin milliyyətcə gürcü olan Azərbaycan vətəndaşları 1956-cı il təvəllüdlü Rosyaşvili İasi İsaqoviç və 1960-cı il təvəllüdlü Rosyaşvili Esaryan İsaqoviç olduğu müəyyənləşib.
Hadisənin hansı şəraitdə baş verməsi hələlik məlum deyil.
Hadisəni törədən şəxs və ya şəxslərin müəyyən edilərək tutulması istiqamətində əməliyyat-axtarış tədbirləri davam etdirilir.
Faktla bağlı Qax Rayon Prokurorluğu tərəfindən cinayət işi başlanıb, istintaq aparılır.
***
saat 11.44
Qax. Vüqar Heydərov - APA. Azərbaycanın Qax rayonunda dəhşətli qətl törədilib.
Rayon Polis Şöbəsindən APA-ya verilən məlumata görə, hadisə bu gün rayonun Vaqif Eyvazov küçəsində yerləşən fərdi yaşayış evlərindən birində qeydə alınıb.
Həmin ünvanda iki kişinin üzərində kəsilmiş-deşilmiş xəsarətləri olan meyitləri tapılıb.
Öldürülən şəxslərin adları açıqlanmasa da, onların milliyyətcə gürcü olduğu bildirilir.
Hadisə yerinə hüquq-mühafizə orqanlarının əməkdaşları gəlib.
Hazırda hadisənin baş vermə səbəbləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
