Bu sözləri APA-ya açıqlamasında Avropa Parlamentinin 23 oktyabr tarixli qətnaməsinin Dağlıq Qarabağ münaqişəsinə dair hissəsini şərh edən Azərbaycan XİN-in mətbuat xidmətinin rəhbəri Elman Abdullayev deyib.
E. Abdullayev xüsusi vurğulayıb ki, AP-nin qəbul etdiyi sənəddə ilk dəfə olaraq Dağlıq Qarabağ münaqişəsinin BMT Təhlükəsizlik Şurasının 1993-cü ildə qəbul etdiyi 4 qətnamə əsasında həllinin vacibliyi vurğulanır. Həmin qətnamələrdə işğalçı qüvvələrin Azərbaycan ərazilərindən dərhal, qeyd-şərtsiz və tam çıxarılması tələb olunur.