Bakı. Viktoriya Dementyeva – APA. Noyabrın 25-dən dekabrın 20-dək Bakının orta məktəblərində yollarda təhlükəsizliklə bağlı kampaniya keçiriləcək.
APA-nın xəbərinə görə, tədbir ATƏT-in Bakı ofisi, Azərbaycanın Təhsil və Daxili İşlər nazirlikləri tərəfindən təşkil olunacaq.
Ekspertlər Bakının orta məktəblərinin şagirdlərini yol hərəkəti təhlükəsizliyinin əsas qaydaları ilə tanış edəcək, onlarla praktik söhbətlər aparacaq, ibtidai sinif müəllimləri ilə şagirdlərin təhlükəsizliyinin aktual problemlərini müzakirə edəcəklər.